雖然重有三個星期先到農曆新年，但經過我走訪多間旅行社後，發現新年旅行團名額所剩無幾，尤其日本有好多團已爆滿，還未報團朋友就要快啦！
記者、部分攝影：麥詠嫻
（以下資料最後核實於 1月 17日）
■現在去北海道可以感受冰天雪地中，浸落熱騰騰的溫泉的滋味。
German：「最想同女朋友去北海道，除可以雪中齊齊浸露天溫泉，重可以去埋札幌雪祭。」
北海道 5天$8,699
順道去札幌雪祭
日本始終都是長期最受歡迎的，在農曆年期間，北海道仍是度假首選，除了可以滑雪和飄雪中浸溫泉，不少被訪者都表示想去觀賞札幌雪祭！
團名：北海道、札幌、函館、小樽 5天直航團
團號： JCTS-5
航機：國泰航空
行程：札幌、兩晚住宿溫泉酒店、函館夜景、新山及有珠火山、登別地嶽谷、白老蝦夷族村、伊達時代村、海鮮市場、洞爺湖、熊牧場、班迪滑雪場、雪車樂園、小樽運河、七寶、啤酒廠等
團費： 2月 11日（年三十）
成人$8,699、小童$7,699
查詢電話： 2721 1008（星晨旅遊）
■一家大細去韓國旅行，如果唔滑雪，也可以去滑雪場，齊齊玩雪兜。
Fion：「好想去滑雪，今次揀去韓國，因為夠平咯！」
漢城 5天$4,899
翻版日本團行程
最近韓風熾熱，加上若你只是想過過滑雪癮，呢團自然係首選，因為團費比日本平 4成，行程同樣包埋浸溫泉，還可以搜購韓國 CD及明星相等。
團名：韓國開心滑雪、購物精選 5天
團號： KDS05
航機：韓亞?大韓?國泰航空
行程：漢城、新村大學購物區、道高硫磺溫泉、陽智或芝山滑雪場、青瓦台、高麗參專賣廳、冬蟲夏草專賣廳、紫水晶宮、樂天世界、東大門、夢幻樂園等
團費： 2月 11日（年三十）成人$4,899、小童$4,499， 2月 12至 14日（初一至初三）成人$4,999、小童$4,599
查詢電話： 2362 2022（關鍵旅遊）
■北京紫禁城鋪上白雪的景色，分外有詩意。
黃小姐：「好想去北京逛逛，睇睇古老名勝，而且個時間重可以感受真正熱鬧過年氣氛！」
北京 5天$3,799
被訪者多揀大陸
原來新年期間中國旅行團費加幅最小，被訪者中不少都會選擇北京，可以見到落雪之餘，重係因為未去過，想比較與香港差天共地的天安門升旗儀式，看看被白雪掩蓋的長城及行到腳軟的紫禁城，呢團會係首選。
團名：北京五天金裝超級直航美食豪華團
團號： PEK-05
航機：中國國際或港龍航空
行程：天壇、十三陵、萬里長城、軍事博物館、天安門廣場、英雄紀念碑、毛澤東紀念堂、紫禁城、京城傳統風味餐、圓明園、頤和園、盧溝橋、古董市場及雍和宮等
團費： 2月 11至 12日（年三十至初一）成人$3,799、小童$3,099， 2月 13日（初二）成人$3,899、小童$3,199， 2月 14日（初三）成人$3,699、小童$2,999
查詢電話： 2381 0311（廣東旅遊）
台灣 4天$2,599
逛夜市食為先
如果想短短去 3、 4日旅行，最好選擇台灣，機程短（只約 1個多小時），更有勁多特色美食，晚上又可以逛逛各大夜市，重可以浸溫泉，行程一定塞到滿滿！
團名：台北、淡水、九份、東北角、野柳、北投溫泉、六褔村主題樂園 4天團
團號： TP-S4
航機：長榮或中華航空
行程：台北、野柳、淡水、全新漁人碼頭、首創飛機客艙餐廳、淡水老街夜市、故宮博物院、國寶珍珠養殖中心、北投、琉磺谷、御之湯溫泉、天祿辟邪展示中心、士林夜市、中正紀念堂、西門町、六福村主題樂園等
團費： 2月 11日（年三十）成人$2,599、小童$2,399
查詢電話： 2853 3715（中國旅行社）
馮先生：「泰國最抵玩，團費平之餘，而且只要使少少錢，已經好似做大富豪咁大吃大喝。」
泰國 5天$2,599
幾千蚊做豪客
泰國一直都有一班擁泰躉，記得一次在同行的團友中，不少是不止去過一次，正因為團費一直較同區平，而且當地物價指數低，只需備幾千蚊已可以放縱地瘋狂購物，實行以最低成本到曼谷做豪客！
團名：曼谷、芭堤雅 5天推介 2002年賀歲精選
團號： BG5COX
航機：泰國東方航空
行程：夢幻樂園、老虎樂園、芭堤雅、珊瑚島、 1小時正宗泰式古法按摩、芭堤雅、海味街、世界貿易中心、拜四面佛，人妖歌舞表演等
團費： 2月 11日（年三十）成人$2,599、小童$2,299， 2月 12至 14日（初一至初三）成人$2,799、小童$2,499
查詢電話： 2526 0321（美麗華旅運）
■身為世界七大奇景的吳哥窟，其建築極為宏偉，單憑相片又豈能領略其刻工之精細？
王小姐：「我重未決定去邊，不過我對參觀吳哥窟同體會柬埔寨民俗風情都好有興趣。」
柬埔寨 4天$6,099
領略異國神秘色彩
次次去東南亞都揀日本、大陸、泰國，今次可曾考慮較冷門之選──柬埔寨？睇完《花樣年華》之後，一直都好想去吳哥窟參觀，至於金邊市內其他景點、施漢諾親王皇宮、賭船、湄公河等亦相信可以為首次到訪這個神秘之國帶來驚喜。
團名：柬埔寨（金邊、吳哥窟、女皇廟）無敵皇牌 4天超值團
團號： PXS04
航機：港龍航空
行程：金邊市、金塔山、獨立紀念碑、豪華賭船、施漢諾親王皇宮、金銀閣寺、國家博物館、赤柬罪惡陳列館、邏粒省小吳哥窟、吳哥窟日落奇景、南大門、吳哥皇城、巴戎廟、塔普倫廟、女皇廟、湄公河之旅、中央市場等
團費： 2月 11日（年三十）成人$6,099、小童$5,599
查詢電話： 2108 8888（康泰旅行社）